VOV4.Xơ Đăng - Hâi lơ 21/9, Hneăng hôp mâu ngế xiâm dêi ASEAN ‘na hbrâ mơdât mâu ngế ai xôi tơkâ luâ tơnêi têa roh má 16 pơxá “ASEAN pêi pro hbrâ ví ƀă pơloăng mơnúa’’ ƀă mâu khu ki tơdjâk troh po hôp tiô tơdroăng mơ’no tơdrêng tiô troăng hyôh. Đăi tươ̆ng Tô Lâm, ngế cheăng tung khu xiâm kal kí, Ngế xiâm pơkuâ Kŏng an Việt Nam veăng hôp.

Pôa Tô Lâm, Ngế xiâm kŏng an veăng hôp khu râ kăn ASEAN ‘na hbrâ mơdât mâu ki xôi

Tơbleăng ă rôh hôp tâi tâng, pôa Tô Lâm ăm ‘nâi ing tơdroăng mơjiâng “Tuăn loi kal kí’’ tung tơplâ hbrâ mơdât mâu ki ai xôi tơkâ luâ tơnêi ƀă loi nhoăm dêi pó, mâu kơ koan pêi pro tro luât ASEAN kal pơtối ‘mâi mơnhông rơdêi tơbleăng tơƀrê khât mâu tơdroăng, pơkâ tơrŭm cheăng ‘na hbrâ mơdât mâu ki ai xôi tơkâ luâ tơnêi têa tung mâu rôh tơrŭm cheăng hên troăng dêi ASEAN nôkố.

Pakĭng mê, mơdêk tơpui tối mâu tơdroăng nếo ai ƀă tối túa pêi cheăng tơplâ mơdât ƀă khu ai xôi tơkâ luâ tơnêi têa a kơpong, malối cho mâu tơdroăng xôi kân ki rế hlo hên môi tiah xôi ma tŭi, xôi tung măng Internet ƀă xôi xúa kŏng ngê̆ chal nếo nôkố.

Gương tơplôu ƀă tơbleăng