VOV4.Xơ Đăng - Hâi lơ 9/3, a Hà Nội, Đăi tươ̆ng Tô Lâm, Ngế xiâm pơkuâ kŏng an hiăng tơdah khu mơdró kân, Hô̆i đong ngăn tê mơdródêi Mih - ASEAN xua pôa Ted Osius, Kăn xiâm hnê ngăn hlối pro Ngế xiâm pơkuâ pro Ngế ki djâ khu kăn ăm pôu pêi cheăng a Việt Nam.

A rôh trâm mâ, pôa Tô Lâm khĕn kơdeăn khât tơdroăng tơrŭm cheăng pơla  Việt Nam - Mih dế mơnhông tơ-ƀrê. Tơdrêng ƀă tơdroăng mơnhông tơbrê tung tơrŭm cheăng kal kí, kring tơniăn pơlê pơla tơnêi têa - ‘na lêng, tơrŭm  cheăng kâ- tê mơdró - ‘no liăn mơjiâng tơmeăm hiăng ƀă dế châ hlo tơ-ƀrê tơxâng mơnê, chiâng tơdroăng ki kal, xiâm mơhnhôk tơdroăng tơrŭm tơchoâm pơla péa tơnêi têa. Pôa Tô Lâm tối troăng rơhlâ pơkâ dêi Chin phuh Việt Nam cho pro tơniăn ăm khu ‘no liăn mơjiâng tơmeăm khoăng dêi kong têa ê, tung mê ai mâu khu mơdró Mih troh pêi cheăng ton hơnăm a Việt Nam.

Gương tơplôu ƀă tơbleăng