Pôa Trần Hồng Hà, Ngế pro xiâm phŏ hnê ngăn tơnêi têa tối nhên, Luât tơnêi hơnăm 2024 ai hên troăng rơhlâ, luât pơkâ ki nếo, tơƀrê ƀă púi vâ tơdjuôm dêi mâu kong pơlê, khu mơdró, kuăn pơlê rĕng tơbleăng Luât tơnêi vâ xúa tung rêh ối.

A rôh hôp, mâu kăn tối ‘na tơdroăng hbrâ hlá tơdroăng pơkâ ‘na yă tơnêi (Tơdroăng pơkâ mê ai 6 chương, 44 tơdroăng), tơkŭm na tơdroăng pêi ahdrối ‘na tơdroăng rah xo tơnêi pơchông drêng pêi pro tiô troăng rơhlâ pơchông ngăn; tơdroăng riân ki pơxúa dêi khu ‘no liăn cheăng drêng xúa tơdroăng pơkâ ki rơlối tung kơxô̆ liăn  kâ; tơdroăng xúa troăng rơhlâ pơkâ yă tơnêi ăm mâu ngế ki pơtó pơkuâ; rah xo tơkŭm pêi pro pơkâ yă tơnêi; tơdroăng pêi pro ƀă tơdroăng mơjiâng yă pơkâ tơnêi; tiô tơdroăng ki kal pơkâ yă tơnêi nhên.