A rôh séa ngăn, pôa Trần Hồng Hà, Phŏ Ngế pro xiâm hnê ngăn tơnêi têa tối, hdrối nah xua kuăn pơlê, khu mơdró hâi ‘no liăn cheăng khât, hâi pêi tro tơdroăng mâu tơdroăng chêh tối ôh tá tơkŭm tối nhên mê chiâng pá vâ riân tơdroăng tŏng gum môi tiah lâi ăm ga tơtro. laga, tơdroăng kơdroh liăn rơkâ dêi hngêi rak liăn, pơcháu ăm kơpong păn ká xi xŏng ƀă hên hĭn mâu luât pơkâ ki ê châ tơbleăng hiăng gum kuăn pơlê ‘mâi mơnhông  pêi chiâk.

Tơdjâk troh pơcháu kơpong păn ká xi xŏng ăm mâu khu tơrŭm cheăng, mâu ngế,  Phŏ Ngế pro xiâm hnê ngăn tơnêi têa tối pơchân kong pơlê Quảng Ninh kal tối ăm ‘nâi mâu tơdroăng tơvâ tơvân a kong pơlê vâ Chin phuh ai troăng hơlâ tơleăng mơnhên. Tơdjâk troh pơcháu kŏng ngê̆ păn kuăn kiâ, pêt loăng plâi krá tơniăn ton, xúa kơmăi kơmok ki dâi lĕm. Phŏ Ngế pro xiâm hnê ngăn tơnêi têa pơkâ thế séa ngăn mâu tơdroăng mơnhông tăng tíu xiâm pêi pro hdrê ki pơxúa tơƀrê dêi kuăn pơlê, khu mơdró rơtế veăng pêi.