Pôa Trần Lưu Quang, Ngế pro xiâm phŏ hnê ngăn Chin phuh mơnhên, kheăn kơdeăn hiâm mơno pôu râng hnoăng dêi khu râ kăn pơkuâ hnê ngăn cheăng Đảng kong pơlê, Vi ƀan kong pơlê Lâm Đồng hiăng teăm tơdrêng hnê mơhno mâu khu cheăng ƀă mơhnhôk rơxế kơmăi kơmok rĕng troh a chê tíu ti tăng tŏng xo, ti tăng; tơdrêng amê, kheăn kơdeăn mâu khu cheăng hiăng ôh tá xâu pá puât pêi pro tơdroăng ti tăng, tŏng xo, rơnêu kế tơmeăm khoăng roh tơnêi tơhnah tơhnâp thế tơkŭm pêi thâ laga thế tơniăn păng ‘nâng ăm khu dế pêi hnoăng cheăng.

 A roh pêi cheăng, Ngế pro xiâm phŏ hnê ngăn tơnêi têa pơkâ thế kong pơlê Lâm Đồng ôh tá ăm ai tơdroăng xía vâ ki lâi môi tiah mê. Roh kố, pôa Trần Lưu Quang hiăng troh lăm pôu, hơlêm ƀă mơhnhôk rơpŏng Thươ̆ng ŭy Lê Ánh Sáng (ối a Bêng 2, pơlê kong kơdrâm Bảo Lộc) cho 1 tung 3 kăn ƀô̆, kŏng an kan sát rak tơniăn troăng prôk hlâ tung roh tơnêi tơhnah tơhnâp drêng pêi hnoăng cheăng.