Hdrối mê rơtế hâi ki mê, Khu tơkŭm po Tơnêi têa tơbleăng pơkâ dêi Khu pơkuâ hnê ngăn Đảng rah xo pôa Trần Phong, Phŏ Kăn pơkuâ hnê ngăn Tĭnh ủi, Kăn hnê ngăn Vi ƀan kong pơlê Quảng Trị, to pro Phŏ Kăn hnê ngăn Tĭnh ủi kong pơlê Khánh Hòa hneăng hơnăm 2025 – 2030.

Xông tơpui tơdah hnoăng cheăng, pôa Trần Phong tối phiu ro drêng châ Khu xiâm kal kí ƀă Khu pơkuâ Đảng loi tơngah pơcháu hnoăng cheăng, tơdrêng amê tơkêa mơdêk hiâm mơno pôu râng hnoăng cheăng, tâi ivá xua tơdroăng mơnhông dêi kong pơlê ƀă tơdroăng rêh ối kuăn pơlê.

Pôa mơnhên kô rơtế khu râ kăn pơkuâ kong pơlê pêi pro châ tơƀrê Tơdroăng pơkâ hneăng hôp Đảng ƀô̆ kong pơlê, mâu troăng pơkâ pêi, troăng hơlâ ki phá tơ-ê dêi Tơnêi têa ăm Khánh Hòa; pơtối mơjiâng Đảng ƀô̆ krúa lĕm, ó rơdêi, pơhlêh nếo troăng pơkuâ, mơdêk ivá pơkuâ; mơnhông hiâm mơno khên tơmiêt, khên pêi vâ pêi pro mâu pơkâ djâ Khánh Hòa chiâng pơlê kong kơdrâm ối tung Tơnêi têa a hơnăm 2030.