Ahdrối mê, xuân a Roh Hôp má môi dêi Khu xiâm pơkuâ hnê ngăn Tíu xiâm Đảng hneăng XIV, pôa Trần Sỹ Thanh châ pôk mot tung Khu xiâm pơkuâ ngăn cheăng Kal kí hneăng XIV.

Ngế ki to pro Ngế xiâm Vi ƀan Séa ngăn Tíu xiâm – pôa Trần Sỹ Thanh kot mâ hơnăm 1971, pơlê xiâm nôu poâ kong pơlê Nghệ An. Pôa hriâm kân troh Thak sih Kinh tế, Đại học Tài chính-kế toán; Cao cấp lý luận chính trị.

Pôa cho Ngế cheăng tung Tíu xiâm Đảng hneăng XI (hbrâ), XII, XIII, XVI; kăn teăng mâ Kuô̆k hô̆i 2 hneăng XIV, XV.

Tung pơla pêi hnoăng cheăng, pôa hiăng pêi hnoăng cheăng: Kăn Ƀơrô Hnôu râng liăn Tơnêi têa (Khu xiâm râng liăn ngân); Phŏ Kăn pơkuâ Hnôu râng liăn; Phŏ Kăn hnê ngăn Vi ƀan kong pơlê Dak Lak; Phŏ Kăn pơkuâ hnê ngăn Đảng uỉ kong pơlê Dak lak; Kăn pơkuâ hnê ngăn Đảng ủi kong pơlê Bắc Giang; Phŏ Kăn Vi ƀan Séa ngăn Tíu xiâm; Kăn pơkuâ hnê ngăn Đảng ủi kong pơlê Lạng Sơn; Phŏ Kăn pơkuâ Khu ngăn ‘na Cheăng kâ Tíu xiâm, Kăn hnê ngăn Hô̆i đong Má môi Grup Têa châu Tơnêi têa; Phŏ Ngế ngăn Ƀơrô Kuô̆k hô̆i; Ngế xiâm Riân seá ngăn Liăn ngân Tơnêi têa.

Khế 7/2022, Khu xiâm ngăn cheăng kal kí hiăng pơkâ thế, xing xoăng tơdroăng cheăng ăm pôa Trần Sỹ Thanh veăng cheăng tung Khu pơkuâ hnê ngăn, Khu kăn Má môi ƀă pro Phŏ Kăn pơkuâ hnê ngă Đảng ủi Pơlê kong kân Hà Nội. Kơ’nâi mê pôa châ Hô̆i đong hnê ngăn Kuăn pơlê Pơlê kong kân Hà Nội pôk pro Kăn hnê ngăn Vi ƀan hnê ngăn Pơlê kong kân Hà Nội.

Hâi lơ 5/11/2025, a Roh hôp má 14 Khu xiâm pơkuâ hnê ngăn Tíu xiâm Đảng hneăng XIII, pôa Trần Sỹ Thanh châ pôk veăng cheăng tung Vi ƀan Séa ngăn Tíu xiâm ƀă pêi hnoăng Ngế xiâm Vi ƀan Séa ngăn Tíu xiâm hneăng XIII.