A Hơkôp Nà Nưa, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu kăn ki pêi dêi hnoăng cheăng hiăng mơdoh chôu tơbâ troh Kăn xiâm hnê ngăn Tơnêi têa Hồ Chí Minh; mơhno hiâm mơno mơnê ó khât ‘na hnoăng cheăng ki kân môi tiah tơnêi, môi tiah têa dêi Pôa, ngế Kăn pơkuâ ki rơkê, tung plâ rôh pleăng dêi hnoăng ăm tơniăn krê hdroâng mơngế, môi tuăn Tơnêi têa, ăm tơdroăng tơniăn krê, hơniâp ro dêi kuăn pơlê.

Pơtối mê, pôa Trần Thanh Mẫn, Kăn xiâm hnê ngăn Kuô̆k hô̆i troh chôu ngăn ƀă pêt loăng tơbâ a Đình Tân Trào, tíu ki tơkŭm hôp Quốc dân Đại hội tung mâu hâi lơ 16 ƀă 17/8/1945, pơkâ tơbleăng Pơxiâm tơplâ châ ƀlêi trâng pơkuâ tung lâp tơnêi têa. Pôa Trần Thanh Mẫn, Kăn xiâm hnê ngăn Kuô̆k hô̆i mơhnŏng vâ rơtế ƀă tâi tâng Đảng, tâi tâng khu lêng ƀă tâi tâng kuăn pơlê mơ-eăm tơbleăng ƀlêi chiâng mâu troăng hơlâ pơkâ, troăng tơmiât pêi ki kân dêi Tíu xiâm Đảng, Kuô̆k hô̆i, Chin phuh vâ ăm tơnêi têa pin mot tung chal ki nếo chal ki mơ-eăm tơná mơnhông kró rơdêi dêi hdroâng mơngế.