Pôa Trần Thanh Mẫn, Kăn xiâm hnê ngăn Kuô̆k hô̆i pêi cheăng ƀă Vi ƀan Khôi túa lĕm tro ƀă Pơlê pơla
Thứ ba, 08:27, 19/05/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Pêi cheăng ƀă Vi ƀan Khôi túa lĕm tro ƀă Pơlê pơla a kơxo lơ 18/5, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế Vi ƀan pơtối pêi kêi đeăng khu pêi cheăng, rah xo bro lế lĕm tro khu pê cheăng, xing xoăng hnoăng cheăng tơtro, mơnhông tâi tâng ivá pêi cheăng dêi rêm ngế kăn ƀô̆.
Xông tơpui mơgêi, Kăn xiâm hnê ngăn Kuô̆k hô̆i tối rơdêi mâu kơvâ hnê hriâm, khăm pơlât, khôi túa lĕm tro, pơlê pơla xua Vi ƀan pơkuâ ai kơnâ kal khât, châ Đảng ƀă Tơnêi têa tơmâng trâu hơngế. Kăn xiâm hnê ngăn Kuô̆k hô̆i tối ăm ‘nâi, pơkâ pêi kêi đeăng troăng pơkâ pêi dế châ pêi pro thâ vâ pêi pro pơkâ mơnhông tơnêi têa, tung mê, hên kơvâ ối tung tơdroăng pơkuâ dêi Vi ƀan kal thâ séa ngăn, tơ’nôm, kêi đeăng.
Kăn xiâm hnê ngăn Kuô̆k hô̆i pơkâ hâi khế la ngiâ, Vi ƀan tơkŭm hriăn plĕng, hlê plĕng pêi pro mâu mơ-éa ki kal Hneăng hôp kân XIV dêi Đảng ƀă Hneăng hôp kân Đảng ƀô̆ Vi ƀan Khôi túa lĕm tro ƀă Pơlê pơla roh má môi, hneăng hơnăm 2025 - 2030, gum mơdêk châ tơƀrê tơdroăng pêi cheăng dêi Kuô̆k hô̆i.
Viết bình luận