A Rôh hôp, Hô̆i đong Tâ phĭu tơnêi têa tơpui, ăm rơkong veăng tơpui ‘na: kơxop mơ-éa pơchuât tơbleăng dêi Hô̆i đong Tâ phĭu tơnêi têa ‘na tơbleăng pêi cheăng hbrâ ăm tâ phĭu khu kăn Kuô̆k hô̆i hneăng 16 ƀă kăn Hô̆i đong hnê ngăn rêm râ hơnăm 2026-2031 sap ing klêi kơ’nâi rôh hôp má môi troh nôkố ƀă mâu hnoăng cheăng ki kal tung la ngiâ; tiô tối hdrối, tơdroăng kal, túa pơkâ hbrâ ăm hneăng hôp lâp tơnêi têa ‘na tơbleăng tơdroăng cheăng tâ phĭu khu kăn Kuô̆k hô̆i hneăng 16 ƀă kăn Hô̆i đong hnê ngăn rêm râ hơnăm 2026-2031.

Klêi mê, Pơkâ ‘na túa ki chêh pro hô sơ vâ tơbriât pro kăn, phĭu pôk ƀă mâu túa hlá mơ-éa xúa tung cheăng tâ phĭu khu kăn Kuô̆k hô̆i hneăng 16 ƀă kăn Hô̆i đong hnê ngăn rêm râ hơnăm 2026-2031. Tơpui mơgêi rôh hôp, pôa Trần Thanh Mẫn, kăn xiâm hnê ngăn Kuô̆k hô̆i rêm tơdroăng cheăng tí tăng ‘nâi plĕng kal tơkŭm tâ nếo vâ rak vế tơniăn rơkê, hbrâ rơnáu, tơmiât pêi rơkê, sap ing hdrối, sap ing hngế.

‘Na kơxop mơ-éa Tơkŭm po Rôh hôp lâp tơnêi têa, Kăn xiâm hnê ngăn Kuô̆k hô̆i pơkâ thế kal pơhlêh nếo Rôh hôp tơbleăng 2 troăng, ai diâp ăm, pơhlêh ăm, malối cho tung tơdroăng kơ koan cheăng tơnêi têa nếo, kal athế ai tơdroăng ki pêi pro nhên, rơkong tơpui tiâ mơnhên tro, ‘ló tiô tơdroăng ki ai khât.