Pôa Trần Thanh Mẫn, Kăn xiâm hnê ngăn Kuô̆k hô̆i phiu ro trâm pôa Nuriddin Ismoilov, kăn xiâm hnê ngăn Kuô̆k hô̆i râ má péa Uzbekistan a Hà Nội; ăm ‘nâi xuân ối rak tơdroăng ki lĕm tro ‘na rôh lăm pôu păng ‘nâng Uzbekistan ƀă veăng hôp a Hneăng hôp hô̆i đong rôh má 150 Khu tơrŭm Kuô̆k hô̆i lâp plâi tơnêi IPU-150 a khế 4 pơla hdrối kố nah, malối cho rôh tơpui tơno ki ai pơxúa, tơƀrê ƀă kăn xiâm hnê ngăn Kuô̆k hô̆i.

Kăn xiâm hnê ngăn Kuô̆k hô̆i phiu ro ƀă mơnhên tối khât tơdroăng ki pôa Nuriddin Ismoilov pơkuâ djâ khu kăn Kuô̆k hô̆i râ má péa Uzbekistan veăng ai mâ a Leh kĭ Tơkêa Khu lâp kong têa ‘na plâ mơdât mâu ngế pro xôi ing măng tơkŭm po a Việt Nam, mơhno tơhrâ ó rơdêi dêi Uzbekistan rơtế ƀă mâu kong têa tung lâp plâi tơnêi plâ mơdât mâu ngế pro xôi nếo ƀă rơ-iêo kố.