A roh trâm mâ, péa pâ tối rơdêi, hơnăm 2025 cho hơnăm ai hên ki kơnâ tung tơdroăng roh ton nah rêm kong têa ƀă tung tơrŭm pơla péa tơnêi têa; péa pâ hiăng veăng hên tơdroăng ƀă leh tơbâ ki kal dêi pó; rơtế tơkŭm po hên tơdroăng ki kal vâ leh tơbâ 75 hơnăm Hâi mơjiâng tơrŭm cheăng tơpui kâ ƀă kong têa ê pơla péa tơnêi têa, mơhno hiâm mơno tuăn pâ tiô khôi vâi krâ nah nhŏng o ki péa tơnêi têa ăm dêi pó.

Péa pâ môi tuăn tối tơrŭm cheăng ton xŏn tâi tâng Việt Nam – Rusi dế mơnhông châ tơƀrê; tơrŭm cheăng pơla péa pâ tung mâu kơvâ cheăng kâ – tê mơdró, mơ’no liăn cheăng châ mơdêk tiô troăng ki pơxúa, châ tơƀrê, ki má lối cho tơrŭm pêi chiâk deăng, cheăng kâ rak ngăn kong, ká xi xŏng, kế kâ; tơdroăng péa pâ po rơdâ mâu troăng kơneăng tơdrăng hiăng gum mơdêk tơrŭm trâm mâ kuăn pơlê, ôm hyô, tê mơdró pơla péa tơnêi têa.