Teăng mâ ăm Đảng ủy Kuô̆k hô̆i, Vi ƀan pơkuâ Kuô̆k hô̆i, Kăn hnê ngăn Kuô̆k hô̆i mơnhên ƀă kheăn kơdeăn mâu kăn teăng mâ Kuô̆k hô̆i ƀă kăn ƀô̆ kơdrâi dêi mâu kơ koan Kuô̆k hô̆i. Pôa Trần Thanh Mẫn, Kăn xiâm hnê ngăn Kuô̆k hô̆i tối rơdêi, Đảng hiăng ai hên mơ-éa pơkâ, tơdroăng pơkâ cho thế tŏng gum ăm kăn ƀô̆ kơdrâi ‘na hiâm mơno ƀă tơmeăm khoăng, pro tơ’lêi hlâu vâ vâi kơdrâi châ vâ pleăng hnoăng cheăng, hriâm tâp, veăng mâu tơdroăng rêh ối pơlê pơla.

Xua mê, tơdroăng ki tơmâng má môi troh vâi kơdrâi ôh tá xê to tung mâu hâi lơ 8/3 ƀă lơ 20/10 mê cho kal tŏng gum đi đo. Pôa Trần Thanh Mẫn, Kăn xiâm hnê ngăn Kuô̆k hô̆i pơchân tối Vi ƀan pêi cheăng kăn teăng mâ tung hneăng Kuô̆k hô̆i hneăng má XVI, Hô̆i đong kuăn pơlê mâu râ 2026 – 2031 kal pêi pro tro mâu pơkâ dêi Đảng ‘na kơxô̆ vâi kơdrâi kăn teăng mâ Kuô̆k hô̆i, veăng kăn teăng mâ Hô̆i đong kuăn pơlê mâu râ, kơxô̆ vâi kơdrâi veăng pơkuâ a mâu kơ koan dêi Kuô̆k hô̆i.