Tơdroăng pôa Trần Thanh Mẫn, Kăn xiâm hnê ngăn Kuô̆k hô̆i veăng Hneăng hôp AIPA-46 mơnhên troăng prôk tơniăn krê, pơkuâ xêh, hơniâp lĕm, tơrŭm ƀă mơnhông mơdêk, hên tơmeăm, hên troăng dêi Việt Nam; pơtối djâ mâu tơdroăng tơrŭm prôk trâu hơngế.

A roh lăm pôu pêi cheăng kố, pôa Trần Thanh Mẫn, Kăn xiâm hnê ngăn Kuô̆k hô̆i ai mâu roh tơpui tơno, trâm dêi pó ƀă Kăn xiâm hnê ngăn Kuô̆k hô̆i râ má môi Malaysia, Kăn xiâm hnê ngăn Kuô̆k hô̆i râ má péa Malaysia ƀă mâu khu râ kăn xiâm ki ê dêi kong têa Malaysia.

Kố cho roh tơ’lêi vâ péa pâ pơtối rak krá tơniăn hiâm mơno loi tơngah dêi pó ton xŏn, po rơdâ tơrŭm cheăng Kuô̆k hô̆i râ má môi pơla péa pâ. Klêi kơ’nâi troh kong têa Malaysia, pôa Trần Thanh Mẫn, Kăn xiâm hnê ngăn Kuô̆k hô̆i ƀă kơdrâi pôa rơtế Khu râ kăn teăng mâ râ xiâm tơnêi têa pin lăm pôu ƀă trâm mâ kăn ƀô̆, mơngế cheăng, Kăn teăng mâ Việt Nam a Malaysia, teăng mâ pơlê pơla mơngế Việt Nam a kong têa Malaysia.