Pôa Trần Thanh Mẫn, Kăn xiâm hnê ngăn Kuô̆k hô̆i veăng leh tơbâ hâi Thái pơkeăng Việt Nam a Hngêi pơkeăng Hữu nghị
Thứ sáu, 05:00, 28/02/2025
Tơplôu: Gương/VOV
Tơplôu: Gương/VOV
VOV4.Xơ Đăng - Tối tơbleăng a Hngêi pơkeăng Hữu nghị tung kơxo hâi lơ 27/2, drêng troh leh tơbâ 70 hơnăm hâi Thái pơkeăng Việt Nam lơ 27/2 , pôa Trần Thanh Mẫn, Kăn xiâm hnê ngăn Kuô̆k hô̆i púi vâ, mâu ngăn pơkeăng, ƀok thái pơkeăng thế rơkê, ai hiâm mơno lĕm, ‘nâi tơdroăng châi heăng dêi mơngế châi tamo môi tiah tơdroăng châi heăng dêi mâu nhŏng o dêi tơná.
Tơbâ nếo tơdroăng hnê pơchân dêi Pôa Hồ, “Thái pơkeăng thế têm môi tiah ngế nôu ki têm”, Kăn xiâm hnê ngăn Kuô̆k hô̆i púi vâ mâu ngăn pơkeăng, thái pơkeăng ki rơkê, ai hiâm mơno lĕm, hlê tơdroăng châi heăng dêi ngế ki tamo cho nhong o xiâm tơná; pakĭng mê, ôh tá pơtê mơdêk hriâm vâ hlê tơdroăng cheăng ƀă châ hnê hriâm tung tơnêi têa ƀă kong têa ê.
Tiô Kăn xiâm hnê ngăn Kuô̆k hô̆i, vâ mơnhông rơdêi tâ nếo tung la ngiâ, Hngêi pơkeăng Hữu Nghị kal tơrŭm krá tâ ƀă mâu Hngêi pơkeăng ki ê. Pakĭng mê, mâu ƀok thái pơkeăng, mâu ngế ngăn pơlê, kăn ƀô̆, kŏng chưk, viên chưk, mơngế pêi cheăng môi tuăn tâ nếo vâ châ tơ ƀrê hơnăm 2025 tro tâ a hơnăm 2024.
Viết bình luận