Tiô Khu xiâm ngăn pêi chiâk ƀă Hyôh kong prâi riân, troh nôkố hiăng ai 18 to kong pơlê, pơlê kong kân tro tơdjâk ó xua khía kơxô̆ 10 plong mot. Khía kơxô̆ 10 plong mot pro ki iâ 34 ngế hlâ 20 ngế hía; 40 ngế tro rong. 153 toăng hngêi kuăn pơlê tơhnâp; lối 154.000 toăng hngêi tơ’nhiê, tơtêa kuâ.

Báu prá loăng plâi tro têa lu riân vâ chê 49.000 ha; 1.524 to kơpôu ro chu, 381 rơpâu to i hlâ, tro têa mơhiu. Tối ki xơpá veăng hơlêm tơdroăng khéa hía tơmeăm tơ’nhiê hngêi trăng dêi kuăn pơlê a cheăm, hơlêm kuăn pơlê mơ-eăm tơkâ luâ, pơtối tŏng gum dêi rơpó mâu ki ai iâ ăm iâ mâu ai hên ăm hên, Vi ƀan pơkuâ cheăng Kuô̆k hô̆i tơkŭm krếo veăng tơlo; krếo mâu kăn ƀô̆, mâu kăn, mâu ngế pêi cheăng ăm tơnêi têa, mâu ngế pêi cheăng dêi Ƀơrô Kuô̆k hô̆i; Hô̆i đong ngăn Kuăn ngo ƀă mâu Vi ƀan dêi Kuô̆k hô̆i veăng tơlo ƀă kơxô̆ liăn tơkŭm châ 600 rơtuh liăn.