VOV4.Xơ Đăng - Tung tơdroăng ki phiu ro hâi apoăng rơnó hơngui, kơxê lơ 7/2, troh pôu, rơkâu Têt ƀă pêi cheăng a Vi ƀan hdroâng kuăn ngo, pôa Trần Thanh Mẫn, Ngế cheăng tung Khu xiâm pơkuâ tơdroăng kal kí, kăn xiâm phŏ hnê ngăn Kuô̆k hô̆i pơchân tung la ngiâ Vi ƀan tơkŭm mơjiâng Luât ‘na kơvâ cheăng hdroâng kuăn ngo cho vâ ‘mâi rơnêu tâi tâng, tŭm mâu troăng hơlâ tŏng kum hdroâng kuăn ngo.

Pôa Trần Thanh Mẫn pơchân, ‘na tơdroăng pơkâ tơdjuôm dêi tơnêi têa, tơdroăng rêh ối dêi hdroâng kuăn ngo xuân ối tung tơdroăng xơpá má môi. Pơkâ thế tung la ngiâ, Vi ƀan hdroâng kuăn ngo tŏng kum mâu tơdroăng xơpá ‘na troăng hơlâ, pêi pro séa ngăn tơdroăng ki pêi pro pơkâ dêi Kuô̆k hô̆i, Chin phuh ƀă tơdroăng ki xiâm cho kuăn pơlê châ xúa mâu tơdroăng pơxúa sap ing tơdroăng pơkâ, tơdrêng amê hlối mơdêk ki ai hlâu, ki pơxúa dêi kơpong ƀă hiâm mơno mơ-eăm xêh dêi hdroâng kuăn ngo vâ mơnhông mơdêk rĕng, krá tơniăn ton kơpong hdroâng kuăn ngo ƀă peăng peăng kong ngo.

Katarina Nga tơplôu ƀă tơbleăng