VOV4.Xơ Đăng - Kơxê lơ 26/1, a Hà Nội, Vi ƀan xiâm Măt trâ̆n tơnêi têa Việt Nam, Hlá tơbeăng Tơrŭm môi tuăn tơkŭm po Leh tơbâ 80 hơnăm hâi mơjiâng Hlá tơbeăng tŏng kum tơnêi têa - Plâ châ tơleăng lĕm - Tơrŭm môi tuăn dêi rơpó. Rơkâu ƀă khĕn kơdeăn mâu rơxông mơngế chêh Hlá tơbeăng Tơrŭm  môi tuăn tung 80 hơnăm hdrối, pôa Trần Thanh Mẫn pơkâ thế Hlá tơbeăng Tơrŭm  môi tuăn pêi pro tơ-ƀrê tơdroăng cheăng séa ngăn, tối nhên vâ châ ‘nâi, hbrâ mơdat kâ kơluâ, tơdroăng ki ôh tá tro, veăng mơjiâng Đảng mâu kăn; tơplâ mơdât ki ‘mêi, xo tơdroăng mơjiâng vâ plâ mơdât.

Pakĭng mê mơdêk tơplâ mâu tơdroăng ki ôh tá tro, ki hriăn po ôh tá tro pro tơ’nhiê tơdroăng hơniâp lĕm dêi mâu ki kơneăm vâ tơkâ ki môi tuăn tung tâi tâng kuăn pơlê. Pôa Trần Thanh Mẫn púi vâ mâu kăn ƀô̆ khu chêh hlá tơbeăng tơrŭm môi tuăn đi đo hriâm, mơdêk rơkê plĕng tơdroăng cheăng, tơpui kal kí vâ ai mâu hlá tơbeăng chêh tro mơngế vâ ngăn, vâ pơtối ăm rế tơ-ƀrê tơdroăng cheăng dêi Hlá tơbeăng Tơrŭm môi tuăn 80 hơnăm hdrối.

Gương tơplôu ƀă tơbleăng