VOV4.Xơ Đăng - Kơxo lơ 17/1, a kong pơlê Quảng Ngãi, pôa Võ Văn Thưởng, Kăn cheăng tung khu xiâm kal kí, Kăn pơkuâ hnê mơhno má môi tơdroăng cheăng Đảng rơtế ƀă Khu râ kăn pêi cheăng tơnêi têa hiăng lăm pôu, rơkâu Têt mâu kăn pơkuâ kong pơlê Quảng Ngãi ing mâu rơxông; diâp kơxuô tơmeăm Têt diâp ăm mâu rơpŏng ai mô đô̆i hlâ tung tơplâ xâ, rơpŏng ai hnoăng tơnêi têa, mô đô̆i rong râ, ngế khên tơnôu tung khu lêng ƀă rơpŏng kơtiê a tơring Minh Long.

Pôa Võ Văn Thưởng, Kăn pơkuâ hnê mơhno má môi tơdroăng cheăng Đảng lăm pôu, rơkâu Têt a Quảng Ngãi

Xông tơpui a roh trâm mâ, pôa Võ Văn Thưởng mơnhên mâu rơkong veăng tơpui tối dêi mâu kăn pơkuâ kăch măng, kăn pơkuâ kong pơlê Quảng Ngãi ing mâu rơxông, veăng kum hên tung tơdroăng mơjiâng ƀă mơnhông mơdêk kong pơlê, tơnêi têa. Pôa Võ Văn Thưởng loi tơngah, ƀă tơdroăng rŭm môi tuăn, mơ-eăm dêi Đảng ƀô̆, khu râ kăn pơkuâ ƀă mâu râ kuăn pơlê, kong pơlê Quảng Ngãi kô ai hên tơdroăng ki tơtêk tung la ngiâ.

            A Sa Ly tơplôu ƀă tơbleăng