Kăn xiâm hnê ngăn Kuô̆k hô̆i râ má môi Italia phiu ro hneăng pôa Võ Văn Thưởng, Kăn xiâm hnê ngăn tơnêi têa ƀă Khu kăn xiâm  Việt Nam lăm pôu; tối nhên kố cho tơpui tơno to rá Kăn xiâm ki apoăng pơla péa tơnêi têa tung 7 hơnăm hdrối mê hía nah, hdró ki  kal tung tơrŭm cheăng pơla péa pâ.

Um: Pôa Võ Văn Thưởng, Kăn xiâm hnê ngăn tơnêi têa trâm kăn xiâm hnê ngăn Kuô̆k hô̆i Italia (Um: TTXVN)

Péa pâ vâ môi tuăn tơrŭm krá, môi tuăn dêi rơpó a hneăng hôp Kuô̆k hô̆i xuân môi tiah Tơrŭm cheăng Kuô̆k hô̆i râ má péa lâp plâi tơnêi (OPU) vâ veăng’no hnoăng pro hơniâp lĕm, tơrŭm ƀă mơnhông a kơpong ƀă tung lâp plâi tơnêi. Tung rôh trâm mâ Kăn xiâm hnê ngăn Kuô̆k hô̆i Italia, pôa Võ Văn Thưởng pâ thế mơnhông tơƀrê tâ nếo tơdroăng tơruĭm cheăng pơla mâu kơ koan mơjiâng luât dêi péa tơnêi têa, tung mê, ai tơdroăng tơpui tơƀrê tung khu kăn, môi tuăn ƀă hnoăng cheăng dêi Việt Nam pro tíu ki tơdjêp mơnhông tơrŭm cheăng pơla péa Kuô̆k hô̆i Italia ƀă Hô̆i đong Tơrŭm cheăng Kuô̆k hô̆i ASEAN.

Kăn xiâm hnê ngăn Kuô̆k hô̆i râ má péa Italia ăm ‘nâi tơdroăng cheăng dêi Kuô̆k hô̆i râ má péa Italia kĭ tơhrâ tơdroăng kring tơniăn ‘no liăn cheăng kâ pơla  Việt Nam - EU (SVIPA) drêng roh kăn xiâm hnê ngăn tơnêi têa lăm pôu kô veăng pro tơ’lêi hlâu tơdroăng tơrŭm cheăng kâ pơla péa pâ.