VOV4.Xơ Đăng - Komăng lơ 27/3 , a plông kân Đinh Tiên Hoàng Đế, kong pơlê Ninh Bình po leh kân krip tơbâ 200 hơnăm pơxá inâi Ninh Bình ƀă 30 hơnăm pơtối mơjiâng kong pơlê. Teăng mâ kăn xiâm Đảng tơnêi têa, pôa Võ Văn Thưởng, Ngê cheăng tung khu xiâm kal kí, Ngế cheăng tung khu kăn Đảng rơkâu khe\n kơdeăn mâu hnoăng hiăng châ pêi tơ-brê dêi Đảng [o# mâu kăn ƀă kuăn pơlê kong pơlê Ninh Bình hiăng pêi tung hơnăm hdrối.

Pôa Võ Văn Thưởng Kăn hnê ngăn Đảng xiâm (Hlá tơbeăng Ninh Bình)

Tơbâ 200 hơnăm pơxá inâi Ninh Bình ƀă 30 hơnăm pơtối mơjiâng cho rôh vâ Đảng bộ ƀă kuăn pơlê kong pơlê Ninh Bình tơbâ tơdroăng ton nah ki lĕm tro hiăng pêi pro, pro chiâng ivá rơdêi, chiâng tơdroăng pêi pro dêi rêm tôh tơrŭm cheăng Đảng rêm kăn bô̆, đảng viên ƀă kuăn pơlê Ninh Bình tung troăng hơlâ pêi la ngiâ; mơ-eăm troh hơnăm 2030, Ninh Bình chiâng kong pơlê mơnhông tơ-brê tung kơpong tơbăng kroăng Hồng.

Pôa Võ Văn Thưởng tối nhên, Ninh Bình kal tí tăng pêi tơ-brê tơmeăm khoăng, ki rơdêi, ki ai krê xêh dêi tơná, malối ki pơxúa tơ-brê tơdjêp ƀă kơpong peăng Kơnhŏng, Tơdế tơnêi têa ƀă Tây Bắc, tung pŭn kong pơlê mơnhông mơdêk cheăng kâ Hà Nội, Hải Phòng - Quảng Ninh - Thanh Hóa.

Gương tơplôu ƀă tơbleăng