VOV4.Xơ Đăng - Hâi lơ 11/3, a Hà Nội, Khu xiâm pơkuâ Kŏng an tơkŭm po leh tơbâ 25 hơnăm Hâi mơjiâng Khu Kan sát séa ngăn mâu ngế xôi ma tŭi (12/3/2022) ƀă tơdah Mê dái hnoăng ƀlêi trâng má môi. Tơkâ hluâ lối 2 chât hơnăm, khu Kan sát séa ngăn mâu ngế xôi ‘na ma tŭi rế hía rế xông kân rơdêi ƀă xông kân tŭm têk. Châ tơƀrê, sap hơnăm 1997 troh nôkố, khu Kan sát séa ngăn mâu ngế xôi ‘na ma tŭi lâp tơnêi têa hiăng châ hlo, rup lối 290 rơpâu roh, lối 460 rơpâu ngế, rup xo lối 5 tâ̆n pơkeăng aphiê̆n, vâ chê 82 tâ̆n heroin, vâ chê 22 tâ̆n matŭi tổng hợp; hên tơmeăm ki kơnâ rơpâu rơtal liăn nâp a liăn ngân Tơnêi têa.

Xông tơpui a roh leh, pôa Vũ Đức Đam tối nhên, tơdroăng hbrâ, mơdât matŭi ôh tá xê to hnoăng cheăng dêi krê khu kan sát séa ngăn mâu ngế xôi ‘na matŭi, mê pơkâ thế tơdroăng ki veăng dêi khu ki pơkuâ, khu xiâm, kơvâ cheăng ki tơdjâk, tá khu cheăng kal kí. Ngế pro xiâm phŏ hnê ngăn tơnêi têa pơkâ thế, tung la ngiâ, khu kan sát séa ngăn mâu ngế xôi ‘na matŭi lâp tơnêi têa kal tơkŭm pêi tơtro tơdroăng tơbleăng ăm khu râ kăn pơkuâ hnê ngăn cheăng Đảng, khu râ kăn pơkuâ mâu râ thăm pơkuâ, hnê mơhno vâ mơhnhôk ivá ó rơdêi dêi khu cheăng kal kí ƀă tâi tâng kuăn pơlê veăng tơdroăng hbrâ, mơdât ma tŭi.

A Sa Ly tơplôu [ă tơbleăng