VOV4.Xơ Đăng - Kơxê lơ 07/02, pôa Vương Đình Huệ, Kăn xiâm hnê ngăn Kuô̆k hô̆i hiăng lăm pôu pêi cheăng ƀă Khu xiâm Khu xiâm tí tăng hriăn ‘nâi cheăng lêng II, cho Khu xiâm pơkuâ ngăn lêng. Vâ Khu xiâm Khu xiâm tí tăng hriăn ‘nâi cheăng lêng II pơtối pê klêi hnoăng cheăng hơnăm 2022 ƀă mâu hơnăm pơtối, pôa Vương Đình Huệ pơkâ thế, tâi tâng khu xiâm Khu xiâm tí tăng hriăn ‘nâi cheăng lêng II tơmâng khât, tơbleăng pêi teăm tơdrêng, pêi tơ-ƀrê tơdroăng Pơkâ, hnê mơhno, ki xiâm cho tơdroăng pơkâ kơxô̆ 48 dêi Khu xiâm kal kí ƀă pơkâ kơxô̆

160 dêi khu xiâm pơkuâ ngăn Đảng lêng “ ‘Na pơkuâ hnê mơhno tí tăng hriăn ‘nâi cheăng lêng II tơdroăng lêng ai tiô pơkâ, tơdroăng cheăng pêi tung tơdroăng nếo nôkố”, thế mơ-eăm khât, pê klêi tơdroăng cheăng pơcháu ‘na kal kí, tơniăn hơnăm 2022 thế pêi tơ-ƀrê tâ hơnăm 2021.

Pôa Vương Đình Huệ, Kăn xiâm hnê ngăn Kuô̆k hô̆i lăm pôu pêi cheăng ƀă Khu xiâm tí tăng hriăn ‘nâi cheăng lêng II

Khu xiâm tí tăng hriăn ‘nâi cheăng lêng II kal pơtối mơjiâng cheăng lêng đi đo cho khu lêng rơkê nhoăm loi khât, tơdrăng môi tuăn ƀă Đảng, ƀă Tơnêi têa ƀă Kuăn pơlê; Khên tơnôu rơkê ‘na tơdroăng kal kí tuăn mơno, krá khât ‘na luât pơkâ, pêi iâ tơ-ƀrê, krá tơniăn, tơdrăng ‘na tơkŭm cheăng, rơdêi tung tŭm tơdroăng, pêi cheăng tơ-ƀrê, hbrâ rơnáu xo pêi mâu tơdroăng pơcháu ƀă pê klêi tŭm tơdroăng ki Đảng ƀă Tơnêi têa, mâu Lêng, Kuăn pơlê pơcháu.

Gương tơplôu ƀă tơbleăng