VOV4.Xơ Đăng - Kơxo lơ 8/2, pôa Vương Đình Huệ, Kăn xiâm hnê ngăn Kuô̆k hô̆i lăm pôu, rơkâu Têt a Grup pơkuâ pơchoh chêp hmân ếo Việt Nam (Vinatex). Teăng mâ khu râ kăn pơkuâ Đảng, Tơnêi têa, Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆itá hiâm mơno rơkâu mâu tơdroăng châ tơƀrê ki kơvâ pơchoh chêp hmân ếo hiăng châ tơƀrê tung hơnăm 2021.

Pôa Vương Đình Huệ, Kăn xiâm hnê ngăn Kuô̆k hô̆i lăm pôu, rơkâu Têt a Grup pơkuâ Vinatex

Tung la ngiâ, pôa Vương Đình Huệ pơkâ thế, Vinatex kal xo vế mâu túa ki rơkê tơtro, ‘nâi roh tơ’lêi hlâu, troăng tung pơ’lêh pơtroh ăm tơmeăm râ tơnêi têa xuân môi tiah tơrŭm tung pơtroh ăm tơmeăm ki pơchoh chêp tung lâp plâi tơnêi.

Pakĭng kong têa ki pin tê ăm, grup pơkuâ kal tơtrŏng tâ nếo kơchơ tung tơnêi têa ƀă vâ chê 100 rơtuh pơ’leăng mâ mơngế. Pôa Vương Đình Huệ pói vâ, Vinatex kal pơtối thăm krá tơniăn tâ mê nếo, mơjiâng tơrŭm pêi cheăng tơtro, tơniăn ƀă rơkê tung khu tê mơdró.

Thăm pêi tơdroăng mơjiâng Đảng krúa lĕm, ó rơdêi, mơnhông mơdêk hnoăng dêi khu pêi cheăng kŏng đoân tung tơdroăng tơkŭm, rŭm môi tuăn mơjiâng khu râ kŏng nhân Việt Nam rơxông nếo, ó rơdêi, khu ki djâ troăng ahdrối tung pêi pro hnoăng cheăng mơnhông mơdêk rĕng ƀă krá tơniăn.

A Sa Ly tơplôu ƀă tơbleăng