A roh pêi cheăng, teăng mâ mâu Vi ƀan dêi Kuô̆k hô̆i, mâu khu xiâm, kơvâ cheăng tơdjâk kheăn kơdeăn tơdroăng châ tơƀrê pơlê kong kân Hà Nội châ tơƀrê tung pơla kố nah. Klêi kơ’nâi 15 hơnăm po rơdâ kơpong tơnêi tơkăng pơkuâ, ngiâ méa pơlê kong kân ai hên hơ’lêh nếo.

Hà Nội hiăng ai mâu tơdroăng châ tơƀrê tơxâng mơnhên, GRDP tâk hên; pêi lo liăn dêi pơlê kong kân tơkâ hluâ tâng pơchông ƀă tối hdrối. Xông tơpui mơgêi roh pêi cheăng, pôa Vương Đình Huệ, Kăn xiâm hnê ngăn Kuô̆k hô̆i tối, pơlê kong kân Hà Nội hiăng mơ-eăm pêi pro lĕm tro mâu pơkâ dêi Hneăng hôp Đảng, pơkâ dêi pơlê kong kân, mâu pơkâ dêi Tơnêi têa, Kuô̆k hô̆i, Chin phuh ƀă châ tơƀrê tâi tâng, kal khât.

Tung la ngiâ, Kăn xiâm hnê ngăn Kuô̆k hô̆i pơkâ thế Hà Nội pơtối séa ngăn mâu hnoăng cheăng tung dế hneăng, vâ ai troăng mơnhông mơdêk rĕng, châ tơƀrê tâ, séa ngăn ivá kêi đeăng mâu pơkâ mơnhông mơdêk cheăng kâ, rêh ối pơlê pơla tung plâ hneăng; pêi lĕm tro tâ nếo tơdroăng mơ’no liăn tơnêi têa, thăm veăng pêi pro mâu pơkâ hiăng ai; pro mơnhên xiâm kối pro ivá tâi tâng dêi pơlê kong kân chu kơdroh tâng pơchông ƀă tơdâng tơdjuôm dêi lâp tơnêi têa.