VOV4.Xơ Đăng - Kơxê măng lơ 1/4, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i pơkuâ roh pêi cheăng ƀă khu râ kăn pơkuâ hnê ngăn cheăng Đảng kong pơlê Bến Tre. Roh pêi cheăng tơkŭm tơmâng tối ‘na tơdroăng mơnhông cheăng kâ – rêh ối pơlê pơla kong pơlê Bến Tre hơnăm 2021; tơmâng mâu rơkong pâ thế, pơkâ thế dêi kong pơlê ‘na troăng hơlâ ki nhên, vâ tŏng kum kong pơlê Bến Tre mơnhông mơdêk tung pơla pôa Phạm Minh Chính, Ngế pro xiâm hnê ngăn Chin phuh nếo kĭ pơkâ mơnhông mơdêk tơbăng kroăng Cửu Long.

Tâi tâng roh pêi cheăng

Xông tơpui mơgêi roh pêi cheăng, pôa Vương Đình Huệ môi tuăn ƀă pâ thế dêi kong pơlê Bến Tre ‘na pêi pro mơnúa tơdroăng tơkêa bro hdi, hdró tâp kơƀâng tơbleăng a mâu kơpong kĭng têa kơxĭ dêi kong pơlê, pôa Vương Đình Huệ pơchân tối, kong pơlê kal tơrŭm krá tơniăn ƀă Khu xiâm pơkuâ túa cheăng ƀă mơ’no liăn cheăng pêi pro. Kăn xiâm hnê ngăn Kuô̆k hô̆i môi tuăn pơkâ dêi kong pơlê ‘na tơdroăng rĕng mơ’no liăn cheăng drô troăng kông Rạch Miễu 2; pơkâ thế kong pơlê tơrŭm ƀă mâu Khu xiâm séa ngăn mâu kơxô̆ liăn, tơbleăng Chin phuh, Kuô̆k hô̆i séa ngăn, pơkâ xing xoăng kơxô̆ liăn pêi pro tơdroăng tơkêa bro.

Gương tơplôu [ă tơbleăng