VOV4.Xơ Đăng - Pêi tro tiô tơdroăng cheăng Đảng khu kăn Kuô̆k hô̆i  hơnăm 2022, kơxê lơ 29/3, a hngêi Kuô̆k hô̆i , pôa Vương Đình Huệ, Kăn xiâm hnê ngăn Kuô̆k hô̆i hiăng pơkuâ rôh pei tơdroăng cheăng dêi khu kăn Đảng  Kuô̆k hô̆i  ƀă khu kăn Đảng kong pơlê Khánh Hòa. A rôh pêi cheăng, Khu kăn Đảng Kuô̆k hô̆i hiăng tơmâng Khu kăn Đảng kong pơlê Khánh Hòa tối tơbleăng ‘na tơdroăng cheăng pêi tiô pơkâ 09 hâi lơ 28/1 dêi Khu xiâm kal kí ‘na mơjiâng, mơnhông mơdêk kong pơlê Khánh Hòa troh hơnăm 2030, tơdroăng vâ pêi roh hơnăm 2045 ƀă tơdroăng pêi pro mâu pơkâ dêi Kuô̆k hô̆i ‘na cheăng kâ-rêh ối tung kong pơlê Khánh Hòa.

Tơdroăng dêi khu xiâm kal kí ai pơkâ 10 tơdroăng cheăng, troăng rơhlâ ki khât vâ mơjiâng kong pơlê Khánh Hòa troh hơnăm 2030 cho pơlê kong kân râ xiâm tơnêi têa ing tơdroăng pơtối rak vế ‘na tơmeăm ai hlâu ƀă ki tơ-ƀrê ‘na têa kơxĭ, cho kơphô̆ rơkê ple\ng, krá tơniăn ton, tiô khôi túa ƀă hlối tơdjêp ƀă mâu kong têa tung lâp plâi tơnêi; cho môi tíu ki mơdêk cheăng kâ, tíu xiâm dêi kơpong kĭng têa kơxĭ tơdế tơnêi têa ƀă peăng Hdroh tơdế tơnêi têa, Tây Nguyên ƀă lâp tơnêi têa ‘na cheăng kâ a têa kơxĭ. 

A rôh pêi cheăng, mâu kăn hiăng tối tơbleăng, hnoăng veăng ‘no mâu troăng rơhlâ vâ mơdêk mơnhông tơ-ƀrê kong pơlê Khánh Hòa, malối cho tơdroăng mơjiâng mâu luât pơkâ tŏng kum vâ pêi, troăng hơlâ mơnhông kong pơlê Khánh Hòa troh hơnăm 2030, bâ mâu tơdroăng cheăng pêi mơnhông tơ-ƀrê troh hơnăm 2045.

Gương tơplôu ƀă tơbleăng