VOV4.Xơ Đăng - Kơxê măng lơ 12/3, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah Kăn hnê ngăn Grup Erax cho Honna Hitoshi. Pôa Vương Đình Huệ tối nhên, tơrŭm cheăng ton xŏn trâu hơngế xua hơniâp lĕm ƀă kro mơdrŏng krá tơniăn a châu Á pơla Việt Nam ƀă Nhuk tung pơla kố nah mơnhông mơdêk lĕm tro, păng ‘nâng ƀă châ tơƀrê tung rêm kơvâ cheăng.

Tiô pôa Vương Đình Huệ, troăng prôk mơjiâng tơdroăng tơkêa bro on tơhrik mơjiâng ing mơnôh prá alâi, xu loăng ƀă hía hé ƀă pơ’lêh mâu tơdroăng tơkêa bro on tơhrik pro ing kơchâ nôkố a hngêi kơmăi on tơhrik sinh khô̆i dêi Grup pơkuâ Erex tơtro ƀă troăng pêi ton xŏn tơnêi têa ‘na tơtêk ƀă krúa lĕm kong prâi hneăng hơnăm 2021 – 2030, tơmiât pêi troh hơnăm 2050 dêi Việt Nam ki Chin phuh nếo tơbleăng ăm pêi pro.

Pôa Vương Đình Huệ mơnhên, Kuô̆k hô̆i, Chin phuh Việt Nam môi tuăn troăng prôk kố; tơdrêng amê tối, nôkố, luât dêi Việt Nam hiăng ai mâu pơkâ nhên, ki nhên ‘na mâu kơvâ vâ pro tơ’lêi hlâu ăm mâu khu tê mơdró kong têa ê mơ’no liăn cheăng a Việt Nam. Pơla kố nah, Grup pơkuâ Erax hiăng séa ngăn a 16 kong pơlê, pơlê kong kơdrâm. Ing séa ngăn, Grup pơkuâ kô mơjiâng 19 tơdroăng tơkêa bro ƀă 1.400 MW troh hơnăm 2035; rơtế amê po rơdâ hên tâ ing tơdroăng mơnhông hdrê loăng ki nếo, hngêi kơmăi ai ivá on tơhrik kân.

A Sa Ly tơplôu [ă tơbleăng