VOV4.Xơ Đăng - Kơxê măng 16/3, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng tơdah pôa Julius Maada Bio, kăn xiâm pơkuâ kong têa Sierra Leone drêng lăm pôu pêi cheăng a Việt Nam sap hâi lơ 14- 20/3. A rôh tơdah, kăn xiâm hnê ngăn Kuô̆k hô̆i tối, Kuô̆k hô̆i Việt Nam ai troăng rơhlâ po, mơdêk tơrŭm cheăng ƀă Kuô̆k hô̆i dêi mâu kong têa tung lâp plâi tơnêi, tung mê ai tá tơrŭm cheăng Kuô̆k hô̆i péa pâ ƀă hên troăng hơlâ.

Pôa Vương Đình Huệ, Kăn xiâm hnê ngăn Kuô̆k hô̆i tơdah kăn xiâm pơkuâ kong têa  Sierra Leone

Ƀă mâu kong têa tung kơpong châu Phi, Kuô̆k hô̆i Việt Nam pơtối trâm tơpui ƀă Kuô̆k hô̆i, mâu kăn Kuô̆k hô̆i dêi mâu kong têa vâ mơdêk tơrŭm cheăng dêi Kuô̆k hô̆i, mơjiâng Khu kăn Kuô̆k hô̆i tơrŭm ƀă Kuô̆k hô̆i hên kong têa, ing mê mơdêk tơrŭm cheăng kâ, tê mơdró, ‘no liăn cheăng, mơhno túa le\m tro, hnê hriâm pơla péa pâ.

Tối nhên, Kuô̆k hô̆i Việt Nam ai hnoăng ki kal tung tơdroăng pơkuâ tơnêi têa, kăn xiâm pơkuâ kong têa Sierra Leone vâ môi tuăn ƀă Kăn xiâm hnê ngăn Kuô̆k hô̆i  kơ koan mơjiâng luât péa tơnêi têa mơdêk tơrŭm cheăng, tối ăm ‘nâi ki mơdêk tơrŭm cheăng.

Gương tơplôu ƀă tơbleăng