VOV4.Xơ Đăng - Kơxê lơ 13/1, pôa Vương Đình Huệ, Kăn xiâm hnê ngăn Kuô̆k hô̆i hiăng veăng hneăng hôp mơgêi tơdroăng pêi cheăng hơnăm 2021 ƀă pêi pro hnoăng cheăng hơnăm 2022 dêi Khu chêh hlá tơbeăng teăng mâ kuăn pơlê. Tung hơnăm 2021, Khu chêh hlá tơbeăng teăng mâ kuăn pơlê tung hơnăm 2021 pơtối pêi tơtro hnoăng tối tơbleăng tơdroăng kal. Tơdrêng amê, pêi tro hnoăng ‘’kông tơdjêp’’ tơbleăng tơdroăng ing Kuô̆k hô̆i, Hô̆i đong kuăn pơlê mâu râ troh kuăn pơlê ƀă Kuăn pơlê, mâu tơdroăng mơ-eăm pơ’lêh nếo, khŏm mơ-eăm pêi pro dêi Kuô̆k hô̆i; tối teăm tơdrêng tơdroăng tơmiât, pói vâ dêi mâu râ kuăn pơlê. 

Pôa Vương Đình Huệ, Kăn xiâm hnê ngăn Kuô̆k hô̆i xup um tơbâ rơtế Khu chêh hlá tơbeăng teăng mâ kuăn pơlê

‘Na hnoăng hơnăm 2022, Kăn xiâm phŏ hnê mơhno má môi Kuô̆k hô̆i pơkâ thế Khu chêh hlá tơbeăng teăng mâ kuăn pơlê pơtối pêi tiô tơdroăng pêi cheăng dêi Đảng đoân Kuô̆k hô̆i pêi pro Pơkâ hneăng hôp roh má 13 dêi Đảng, mơdêk hnoăng cheăng dêi Khu rah chêh, Đảng ủy, mâu khu tơrŭm cheăng kal kí, tơdroăng cheăng dêi khu chêh hlá tơbeăng.

A Sa Ly tơplôu ƀă tơbleăng