VOV4.Xơ Đăng - Kơmăng lơ 9/10, a pơlê kong kơdrâm Phổ Yên, kong pơlê Thái Nguyên hiăng tơkŭm po Leh tơbleăng Pơkâ dêi Vi ƀan pơkuâ Kuô̆k hô̆i ‘na tơdroăng mơjiâng mâu bêng ối tung pơlê kong kong krâm Phổ Yên ƀă mơjiâng pơlê kong kơdrâm Phổ Yên, kong pơlê Thái Nguyên; tơdah Mê dái Pêi cheăng ối má 3.

Pôa Vương Đình Huệ, Kăn xiâm hnê ngăn Kuô̆k hô̆i xông tơpui a leh tơbleăng

Xông tơpui a leh tơbleăng, pôa Vương Đình Huệ, Kăn xiâm hnê ngăn Kuô̆k hô̆i mơnhên pơlê kong kơdrâm Phổ Yên kô pơtối mơnhông mơdêk ó rơdêi, rế hía rế kro lĕm, rơkê, chiâng tíu kuăn pơlê rêh ối tê mơdró kơdrâm ngiât lĕm, rơkê, ƀeăn ƀĕng, tiô rơxông nếo, mot tơrŭm, rơtế ƀă pơlê kong kơdrâm Thái Nguyên, pơlê kong kơdrâm Sông Công ƀă mâu ngế rơkê dêi kong pơlê, mơjiâng kong pơlê Thái Nguyên chiâng môi tung mâu tíu xiâm cheăng kâ kơmăi kơmok tiô rơxông nếo, môi tiú tơtêk dêi kơpong tơdế, kong ngo peăng kơnhŏng tơnêi têa ƀă kơpong Pơlê kong xiâm Hà Nội, tơxâng châ tơdroăng loi tơngah ƀă pói tơngah dêi kuăn pơlê.

VOV/Tơplôu: A Sa Ly