VOV4.Xơ Đăng - Kơxo lơ 24/2 a Hneăng hôp Khu kăn Đảng ƀộ Pơlê kong kân Hà Nội, tơpui tơno tơdroăng mơgêi pêi pro 10 hơnăm pêi tiô Pơkâ kơxô̆ 11 dêi khu xiâm kal kí ‘na troăng rơhlâ, tơdroăng cheăng pêi ƀă mơnhông mơdêk pơlê kong xiâm tung pơla hơnăm 2011-2020 ƀă séa ngăn, tối Pơkâ tơchoâm mơjiâng pơlê kong xiâm châ kĭ ƀă troăng rơhlâ tí tăng ‘nâi plĕng ‘mâi hơ’lêh tâi tâng Pơkâ tơchoâm mơjiâng pơlê kong xiâm Hà Nội troh hơnăm 2030, hvái ngăn troh hơnăm 2050, rơtế ƀă troăng rơhlâ mơnhông mơdêk kơphô̆ Hà Nội, hên ngế tối thế pơkâ mơnhông pơlê kong xiâm kal tơmiêt nhên troh mơnhông mơdêk cheăng kâ ôm hyô.

Mâu kăn xuân tối tiah kố pơkâ pơlê pêi cheăng mơjiâng tơmeăm khoăng, pơkâ mâu tíu ôm hyô xuân kal mơhno nhên ki tơdjêp vâ tơ’mot tơmối; kal tơmâng troh tơdroăng ngăn ‘na têa kroăng Hồng, pro tíu ki vâ pơkâ tung mơnhông mơdêk kơphô̆.

Gương tơplôu ƀă tơbleăng