Tối ‘na tơdroăng ƀă Ngế pro xiâm hnê ngăn kong têa New Zealand ‘na tơdroăng cheăng kâ – rêh ối pơlê pơla dêi pơlê kong kân, pôa Nguyễn Văn Được tối ăm ‘nâi: cho pơlê kong kân ƀeăn ƀĕng rơkê má môi lâp tơnêi têa, Pơlê kong kân Hồ Chí Minh ai hên tơmeăm ki ai hlâu mơ’no ƀă mơnhông tung hên kơvâ.

Kăn hnê ngăn Vi ƀan Pơlê kong kân Hồ Chí Minh pói tơngah, roh lăm pôu nhŏng o dêi Ngế pro xiâm hnê ngăn tơnêi têa Christopher Luxon kô po roh tơ’lêi mơdêk tơrŭm cheăng  mơ’no liăn cheăng dêi mâu khu tê mơdró New Zealand a pơlê kong kân tung la ngiâ. Ngế pro xiâm hnê ngăn kong têa New Zealand tối vâ Việt Nam chiâng tơnêi têa pêi lo liăn hên má môi a hơnăm 2045 môi tiah pơkâ mơ’no pơkâ xuân ối hên cheăng thế pêi.

Pôa xuân pói vâ roh lăm pôu pêi cheăng nhŏng o roh kố kô mơdêk tơrŭm cheăng tâi tâng pơla péa tơnêi têa, pro tơ’lêi hlâu vâ péa pâ rơtế tơrŭm cheăng tung hên kơvâ cheăng môi tiah cheăng kâ, hnê hriâm, ôm hyô, pêi chiâk deăng.