Tiô Pơkâ kơxô̆ 1193 dêi Vi ƀan pơkuâ Kuô̆k hô̆i ‘na tơdroăng ki xing xoăng tơkŭm tíu pêi cheăng râ cheăm dêi kong pơlê Dak Lak pơla hơnăm 2023 – 2025, pơlê kong krâm Ƀuôn Hồ, kong pơlê Dak Lak ai tơdroăng pơhlêh, ‘mot tơkŭm lối 30km2 ƀăng tơnêi ƀă vâ chê 3.500 kuăn pơlê dêi cheăm Ea Blang mot tung 2 to cheăm Ea Siên ƀă Ea Drông.

Vâ gum kuăn pơlê pơhlêh mâu mơ-éa klêi kơ’nâi ‘mot tơkŭm tíu pêi cheăng râ cheăm tiô túa ki rĕng, kơ koan ai tơdjâk troh hiăng chu troh a cheăm chêh pro pơhlêh hbru căn cước công dân ƀă pơhlêh Mơ-éa hnoăng rak xúa tơnêi; tung mê, ki hên cho pơhlêh tíu tơnêi, tíu ối dêi kuăn pơlê.

Teăng ăm nâp hồ sơ ƀă xo mâu tơdroăng ki hiăng pro klêi a Hngêi túa lĕm tro cheăm Ea Drông. Túa pêi kố hiăng mơdê ki rơkê ‘na tơdroăng ki pro hlá mơ-éa tơdjuôm, mơdêk tơƀrê khât chêh pro mâu mơ-éa, pro tơ’lêi hlâu ăm kuăn pơlê. Tiô tối, bu tung môi măng tĭng, mâu hlá mơ-éa ki pơhlêh hbru ăm ki nếo kô châ pro klêi.