Kố cho tơdroăng tơkêa ki kal tung mê ai kong ngê̆ ôh tá tơniăn, mơhno mâu kong têa ki xúa; tơdroăng ki púi vâ ‘na liăn pêi cheăng hên ƀă rôh apoăng châ ‘no liăn pro a tơnêi têa pin mê gá kal khât ai mâu troăng hơlâ tŏng gum, troăng pơkâ xiâm, ai tŭm ivá rơdêi vâ mơdêk rĕng tơdroăng ki pro, chiâng iâ khế hơnăm pro.

Xua mê, Chin phuh pơkâ thế Kuô̆k hô̆i ăm phêp tơbleăng tơdrêng amê mâu tơdroăng cheăng ‘na tơpui tơno mâu tơdroăng tơkêa ƀă kong têa tơrŭm cheăng ƀă tơdroăng tung pơla chêh pro mâu hồ sơ ƀă kĭ pơkâ ‘mâi rơnêu troăng ‘no liăn pro, kĭ mâu tơdroăng tơkêa ‘no liăn pro. ‘Na troăng tŏng gum ƀă túa pơkâ liăn ngân ƀă tăng liăn pro tơdroăng tơkêa tiô túa ƀă hên ki ê: Tơpui ‘na mung liăn Chin phuh ƀă mâu kong têa tơrŭm cheăng; ăm phêp ngế ki ‘no liăn pro vêh mung ôh tá chiu trâm mâu tơdroăng ôh tá mơhúa tung pơla mung; xúa liăn tâk xo, kơdĭng hrê liăn ngân ƀă mâu kơxô̆ liăn tro luât ki ê.