VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa nếo kĭ Pơkâ ăm phêp pơtroh kơxô̆ liăn hbrâ, mơdât pơreăng COVID-19 hiăng pơcháu xêo hdrối mơ’no hơnăm 2021 ăm Khu xiâm pơkuâ ngăn pơkeăng ƀă khăm pơlât tá hâi xúa tâi troh hơnăm 2022 xúa ăm tơdroăng hbrâ, mơdât pơreăng COVID-19. Ki nhên, Pơkâ ăm phêp pơtroh kơxô̆ liăn ngân Tơnêi têa hiăng pơcháu xêo hdrối kơxô̆ liăn mơ’no ăm tơdroăng hbrâ, mơdât pơreăng COVID-19 hơnăm 2021 dêi Khu xiâm pơkuâ ngăn pơkeăng ƀă khăm pơlât tá hâi xúa tung kơxô̆ liăn 4.643.821 rơtuh liăn (tá kơxô̆ liăn rôe vaccine, tơmeăm pâk pơkeăng, tơdah, pơkuâ, pơto vaccine hbrâ mơdât COVID-19) a hơnăm 2022 vâ mơ’no ăm tơdroăng hbrâ, mơdât pơreăng COVID-19 môi tiah pơkâ dêi Khu xiâm pơkuâ liăn ngân.

Pơkâ ƀă kơxô̆ liăn kum tung tơdroăng hbrâ, mơdât pơreăng COVID-19 hơnăm 2022, Khu xiâm pơkuâ ngăn pơkeăngƀă khăm pơlât hbrâ xúa, xêo hdrối kơxô̆ liăn mơ’no châ pơcháu, tơrŭm ƀă Khu xiâm pơkuâ liăn ngân vâ pơkâ, tơbleăng râ ai hnoăng tơ’nôm kơxô̆ liăn xêo hdrối mơ’no (tâng ai) tiô pơkâ; thăm pơkuâ, xúa ƀă mơgêi tâi tâng kơxô̆ liăn hbrâ, mơdât pơreăng COVID-19, tơniăn teăm tơdrêng, châ tơƀrê, kơdĭng, tơbleăng tơdrăng, tro pơkâ.

A Sa Ly tơplôu ƀă tơbleăng