Pôa Tô Lâm Kăn xiâm pơkuâ hnê cheăng Đảng pơkuâ ƀă ai ƀai pơchuât tơdroăng kal a hâi pơxiâm hôp. Hneăng hôp drêng kố kô tơpui tơno, ăm hnê tối ƀă 15 tơdroăng kal tơkŭm  mâu khu xiâm cheăng tơdroăng kal kí,  pro rế lĕm tíu pêi cheăng  ƀă tơkŭm mâu kăn a kong pơlê 2 râ mê ai 8 tơdrơng tơkêa bro  dêi Hlá mơ-éa Tơbleăng, má péa cho khu tơdroăng  ‘na pơtối hbrâ ăm hneăng hôp  Đảng tung lâp tơnêi têa rôh má 14  ƀă tâ phĭu rah xo kăn Kuô̆k hô̆i hneăng 16 ƀă  Hô̆i đong kuăn pơlê rêm râ hneăng hơnăm 2026-2031 mê ai 7 tơdroăng tơkêa bro ƀă tối tơbleăng.

‘Na khu tơdroăng pơtối hbrâ ăm hneăng hôp má 14 dêi Đảng ƀă tâ phĭu rah xo kăn Kuô̆k hô̆i hneăng 16 mâu kăn Hô̆i đong kuăn pơlê rêm râ hneăng hơnăm 2026-2031, Kăn xiâm pơkuâ hnê cheăng Đảng tối nhên, ing kơ’nâi Hôp Ríu xiâm 10, Khu xiâm kal kí hiăng hnê mơhno tơ’nôm, po ngăn hên tơdroăng ki nếo, malối cho mâu troăng hơlâ, pơkâ ki kal ai pơxúa tung mơnhông tơnêi têa.