VOV4.Xơ Đăng - Tối tơbleăng a rôh hop má môi khu hnê mơhno ‘mâi hơ’lêh cheăng dêi Chin phuh po a kơxo lơ 9/3, pôa Phạm Bình Minh, Ngế pro xiâm hnê ngăn Chin phuh Ngế pơkuâ hnê mơhno tối nhên, thế pro tơ-ƀrê ‘na ‘mâi pơ’lêh tơdroăng cheăng, malối cho bro hlá mơ-éa cheăng ƀă mơngế kuăn pơlê, Khu mơdró, vâ tơbâ ƀă mơhnhôk tăng xiâm mơnhông mơdêk tơnêi têa.

Thế pơtối séa ngăn hnoăng cheăng pêi, tơdroăng pơkâ pêi vâ pôi tá môi tiah mâu tơdroăng cheăng ƀă kơdroh khu ki pêi tơdế rá. Ngế pro xiâm hnê ngăn tơnêi têa tối nhên, rôh hôp mê ai pơxúa kal khât tối tơdroăng ‘mâi hơ’lêh cheăng hơnăm 2021, ‘nâi nhên tơdroăng cheăng pêi hơnăm 2022; tơpui ‘na mâu tơdroăng pơkâ pêi cheăng.

Tơdroăng cheăng ‘mâi hơ’lêh liăn cheăng thế châ mơdêk veăng pro kơdroh ki pro ôh tá tro, malối kâ kơluâ. ‘Na tơdroăng cheăng pêi nhên, ngế pro xiâm hnê ngăn tơnêi têa pơkâ thế, mơdêk hnoăng cheăng dêi ngế pơkuâ; tơbleăng kơtăng, xêt khât, tơ-ƀrê tơdroăng tâi tâng ‘na ‘mâi hơ’lêh tơnêi têa pơla hơnăm 2021-2030.

Gương tơplôu ƀă tơbleăng