Tơbleăng rôh pơxiâm Hôp, pôa Đỗ Văn Chiến, Kăn xiâm hnê ngăn Vi ƀăn xiâm Măt trâ̆n tơnêi têa Việt Nam tối nhên: tung tơdroăng rêh ối nếo, Măt trâ̆n tơnêi têa Việt Nam pơkuâ hnê nhên khât tâ nếo troăng hơlâ dêi Đảng, luât dêi tơnêi têa; pêi kơtăng hơ’lêh nếo tơdroăng, troăng hơlâ pêi cheăng, tơrŭm môi tuăn dêi mâu rơxông kuăn pơlê, mơhnhôk veăng tơlo liăn, xua tơdroăng pơkuâ dêi Đảng, tơdroăng tơrŭm môi hiâm mơno, tơdjuôm ivá rak vế ƀă mơjiâng tơnêi têa mơnhông rơdêi, kro mơdrŏng.

Rôh hôp hiăng tơkŭm tơpui, ăm rơkong veăng tơpui tối ‘na tơdroăng ki kal dêi Túa pơkâ ‘mâi pơhlêh mâu tơdroăng cheăng ki kal vâ rak vế tơdroăng pơkuâ dêi Đảng ƀă Măt trâ̆n; mơnhông hnoăng cheăng pôu râng dêi kuăn pơlê tung mơjiâng khu tơrŭm tâi tâng hdroâng mơngế. Mâu rơkong ki veăng tơpui tối xuân pơkâ thế séa ngăn, hriăn plĕng ‘mot tơ’nôm mâu tơdroăng ki kal vâ tơpui tơno, ăm rơkong veăng tơpui tối ƀă tơdroăng mơnhông dêi tơnêi têa, malối cho mâu tơdroăng ki kal, cho mâu tơdroăng ki ai tơdjâk troh mơnhông tơnêi têa tung chal ki nếo dêi hdroâng mơngế; tơdroăng ki tơkŭm tíu pêi cheăng kơ koan tơnêi têa pêi cheăng xêt, tơƀrê.