A Rôh hôp rôh má pŭn hneăng X, Khu kăn hnê ngăn Vi ƀan xiâm Măt trâ̆n Tơnêi têa Việt Nam ăm rơkong tơpui tung hên tơdroăng ki kal môi tiah: Kơxop mơ-éa pơkâ troăng tơmiât cheăng Măt trâ̆n hơnăm 2026; Kơxop mơ-éa tơdroăng pơkâ tơkŭm po Hneăng hôp khu kăn Măt trâ̆n Tơnêi têa Việt Nam la ngiâ kố ah; Kơxop mơ-éa tối tơbleăng mơgêi 10 hơnăm pêi pro tơdroăng pơkâ kơxô̆ 01, hâi lơ 5/5/2015 ‘na pơhlêh nếo cheăng tối tơbleăng hnê tối dêi Măt trâ̆n Tơnêi têa Việt Nam; tơbleăng klêi kơ’nâi pêi pro Pơkâ kơxô̆ 18 ‘na pêi pro klâ xoăng, ‘mot tơkŭm mâu khu tơrŭm cheăng kal kí rêh ối pơlê pơla, mâu khu cheăng Đảng, Tơnêi têa pơcháu hnoăng cheăng ối tung Măt trâ̆n Tơnêi têa Việt Nam.

Phŏ kăn hnê ngăn Vi ƀan Măt trâ̆n Tơnêi têa Việt Nam Nguyễn Thị Thu Hà ăm ‘nâi pêi pro châ tơdroăng púi vâ dêi hnoăng cheăng tung tơdroăng nếo, sap ing nôkố troh tâi hơnăm 2025 ƀă tung hơnăm 2026, khu pơkuâ Măt trâ̆n pơtối tơbleăng séa ngăn, klâ xoăng khu tơrŭm cheăng tíu xiâm tung dế ối tung Măt trâ̆n Tơnêi, mâu khu tơrŭm cheăng kal kí rêh ối pơlê pơla, mâu khu cheăng rêm râ Đảng, Tơnêi têa pơcháu pêi hnoăng cheăng.