Hôp tơpui tơno tơkŭm po tung 3 hâi, a Roh hôp kố, Vi ƀan Pơkuâ Kuô̆k hô̆i séa ngăn, tơpui a hên tơdroăng vâ gum tung tơdroăng rah xo bro lế lĕm tro khu pêi cheăng tơnêi têa. ‘Na tơdroăng mơjiâng luât, a roh hôp kố, Vi ƀan pơkuâ Kuô̆k hô̆i tơpui ‘na tơdroăng tơkêa bro Luât Khu pêi cheăng Chin phuh (‘mâi rơnêu); hlá mơ-éa chêh tối hdrối Pơkâ dêi Kuô̆k hô̆i ‘na rah xo bro lế lĕm mâu kăn pêi cheăng dêi Chin phuh, Kuô̆k hô̆i hneăng má 15; tơdroăng tơkêa bro Luât khu râ kăn pơkuâ kong pơlê (‘mâi rơnêu); tơdroăng tơkêa bro Luât Tơbleăng mơ-éa pơkâ luât (‘mâi rơnêu); mơ-éa chêh hdrối Pơkâ dêi Kuô̆k hô̆i tơleăng mâu tơdroăng ki nếo tung mâu pơkâ dêi luât tơdjâk troh rah xo bro lế lĕm khu pêi cheăng tơnêi têa; tơdroăng tơkêa bro Luât ‘mâi rơnêu, tơ’nôm mâu troăng dêi luât Khu râ kăn pêi cheăng Kuô̆k hô̆i...

Vi ƀan pơkuâ Kuô̆k hô̆i séa ngăn, tơbleăng ăm pêi kĭ pơkâ dêi Kăn pơkuâ Kơ koan xiâm séa ngăn kuăn pơlê râ xiâm ‘na tơkŭm po khu pêi cheăng dêi Kơ koan xiâm séa ngăn kuăn pơlê râ xiâm; Pơkâ ‘na mâu pơkâ, túa pơkâ pêi ƀă kơlo xing xoăng kơxô̆ liăn mơ’no liăn cheăng tơnêi têa ing kơxô̆ liăn ngân tơnêi têa hneăng hơnăm 2026 – 2030. A roh hôp, Vi ƀan pơkuâ Kuô̆k hô̆i xuân tơpui ‘na tơdroăng mâu ngế pêi cheăng tiô hnoăng.