Tơdroăng tơkêa pro troăng kân 28B dêi kong pơlê Lâm Đồng xŏn lối 68km, mâu khu ki xo pro hiăng pro châ vâ chê 40km trêi troăng, pro trêi ok hmốu vâ chê 58km, ok ƀê tong chhá kơxu lối 31km. Tơdroăng tơkêa, ‘mêng rơnêu troăng kân 28B ai tâi tâng liăn ‘no lối 1.400 rơtal xua Khu xiâm ngăn troăng prôk Việt Nam pro ngế ki ‘no liăn pro.

6 to kông a ‘ngêi dêi tơdroăng tơkêa kố gá xơpá pro má môi, xua tơnêi tơníu ôh tá tơ’lêi hlâu ƀă hyôh kong prâi rơnó mê hngê. Troăng kân 28B cho môi tung mâu troăng prôk ki kal tơdjêp lo a têa kơxĭ ƀă ngo dêi kong pơlê Lâm Đồng. Nôkố ngế ki ‘no liăn pro tơdroăng tơkêa kố cho Khu xiâm ngăn troăng prôk Việt Nam ƀă Vi ƀan hnê ngăn kong pơlê Lâm Đồng dế tơrŭm mơnhông tơdroăng pro vâ teăm pro klêi, ‘mêng rơnêu troăng prôk ki kal kố a khế 12 hơnăm kố.