VOV4.Xơ Đăng - Khu xiâm pơkuâ hnê hriâm ƀă Hnê mơjiâng tơkŭm po Hneăng hôp mơ’no tơdrêng tung um tiô troăng măng Internet rak xo hok tro mot hriâm kao đẳng kơvâ hnê hriâm mâm non, đăi hok hơnăm 2022. Pôa Hoàng Minh Sơn, Ngế xiâm phŏ pơkuâ Hnê hriâm ƀă Hnê mơjiâng tuăn ngôa rơkê pơkuâ hneăng hôp. Tơbleăng a hneăng hôp, Khu pơkuâ tơdroăng hnê hriâm đăi hok (ối tung Khu xiâm pơkuâ hnê hriâm ƀă hnê mơjiâng tuăn ngôa rơkê) tối ăm ‘nâi, pơkâ troăng rah xo hok tro hơnăm 2022 ‘na xiâm kối rak tơniăn môi tiah hơnăm 2021, bu pơ’lêh mâu tơdroăng xiâm ki ‘na kih thuât vâ pro tơ’lêi hlâu ăm mâu hok tro ƀă mâu tíu hnê mơjiâng mơngế hriâm.

Xông tơpui a mơgêi Hneăng hôp, pôa Hoàng Minh Sơn mơnhên tơdroăng hơnăm kố mâu tíu hnê hriâm đăi hok xúa hên troăng rah xo mê cho kơjo dêi tơdroăng tăng xêh liăn ngân dêi Hngêi trung đăi hok. Laga, mâu hngêi trung xuân thế mơdêk hnoăng tiâ tối ƀă mơngế hriâm ƀă pơlê pơla. Tơdrêng amê thế rak tơniăn tơdâng tơ’mô ăm mâu hok tro pơla mâu troăng pêi pro phá tơ-ê dêi pó.

A Sa Ly tơplôu ƀă tơbleăng