VOV4.Xơ Đăng - Khu xiâm ngăn chiâk deăng ƀă Mơnhông thôn pơlê nếo ai hlá mơ-eá Pơkâ thế ‘na tơdroăng ki tơkŭm po Têt Lo hơnăm nếo Nhâm Dần 2022. Tiah mê, kăn xiâm ngăn chiâk deăng ƀă Mơnhông thôn pơlê pơkâ thế mâu tíu pêi cheăng ối tung khu xiâm ƀă Khu ngăn chiâk deăng ƀă Mơnhông thôn pơlê mâu kong pơlê, pơlê kong kân ối tung Tơnêi têa khŏm pơkâ kơtăng mâu troăng hơlâ séa ngăn, séa ngăn kơchơ mơdró tung tơnêi têa, malối cho tơdroăng ki rak krúa kế kâ a mâu kơchơ xiâm tê mâu kế tơmeăm pêi lo ing chiâk deăng, tíu tê mơdró kế kâ, kơchâi, plâi tê tung rôh Têt; pơkâ tơleăng mâu ngế ki pro xôi vâ rak tơniăn ki dâi lĕm, krúa ‘na kế kâ kum tê ăm tơdroăng ki rơhêng vâ roê xúa tung rôh Têt Lo hơnăm nếo.

Séa ngăn tơdroăng ki tê, tơdroăng ki rơhêng vâ roê mâu kế kâ ki kal tung rôh Têt Lo hơnăm nếo ai troăng hơlâ pơkâ tơleăng teăm tơdrêng vâ pôi tá ai tơdroăng ki ôh tá bê kế tơmeăm, mơdêk yă; rak tơniăn pêi pro tơdroăng ki rơhêng vâ roê dêi kuăn pơlê hdrối, tung ƀă klêi kơ’nâi rôh Têt Lo hơnăm nếo. Tơdrêng amê hlối mơdêk pêt, tê ƀă tê tơmeăm pêi lo ing chiâk deăng ngi kong têa ê tung pơla tơdroăng ki hbrâ mơdât pơreăng COVID-19.

Katarina Nga tơplôu ƀă tơbleăng