VOV4.Xơ Đăng - Hâi lơ 15/3, Khu tơrŭm Tơnêi têa tơkŭm po Rôh hôp séa ngăn kơtăng, tơbleăng pêi pro pơkâ kơxô̆ 58 dêi Khu xiâm pơkuâ tơdroăng kal kí ‘’Mâu tơdroăng rak vế kal kí tung Đảng’’ ƀă xo rơkong ki veăng tơpui tối ‘na kơxop hlá mơéa Hnê mơhno pêi pro tơdroăng pơkâ. Tơdroăng pơkâ kơxô̆ 58 ‘na rak vế kal kí tung Đảng ai 7 tơdroăng ki nếo, tung mê ki rơhêng vâ tối pơkâ ‘mot tơ’nôm kơlo pơkâ xing xoăng ƀă mâu kăn ƀô̆, đảng viên ki ai tơdroăng kal kí oh tá tơniăn la ôh tá pro xôi pơkâ kố.

Tâ tá rôh hôp

Tơpui a Rôh hôp, jâ Trương Thị Mai, kăn xiâm tơrŭm Tơnêi têa tối nhên: rak vế kal kí tung đảng cho tơdroăng ki kal, pâ thế ai tơdroăng tơrŭm krá, krâu vâ rak tơniăn tơdroăng kal kí tung đảng ôh ti xê ăm Đảng mê ối cho hnoăng cheăng kal kí dêi kăn ƀô̆, đảng viên. Xua mê, kal châ pơtối hriăn ngăn, pêi pro kơtăng vâ pro ai tơdroăng ki môi tuăn ‘na ki hlê plĕng, nhên ‘na túa tơmiât hdrối vâ pơkâ tơleăng mâu tơdroăng ki ai khât.

Katarina Nga tơplôu ƀă tơbleăng