Roh hôp hiăng tơpui ‘na 8 tơdroăng xiâm. Tơdrŏng má môi cho mơ-éa chêh hdrối Tơbleăng tơdroăng séa ngăn chuyên đê: ‘’Tơdroăng pêi pro troăng hơlâ, luât ‘na mơnhông mơdêk ƀă xúa mơngế pêi cheăng tơxâng pơkâ mơnhông mơdêk cheăng kâ – rêh ối pơlê pơla, ki má lối cho mơngế pêi cheăng ki rơkê’’; pơhlêh Tơdroăng mơjiâng luât hơnăm 2025; tơpui ‘na tơdroăng mơgêi Hneăng hôp má 9 ƀă tơpui apoăng ‘na tơdroăng hbrâ Hneăng hôp má 10...

Kăn xiâm hnê ngăn Kuô̆k hô̆i tối, tung la ngiâ cho mâu khế má mơ’nui dêi hneăng cheăng Kuô̆k hô̆i hneăng má XV, mâu kơ koan dêi Kuô̆k hô̆i thế tơrŭm krá tơniăn ƀă Chin phuh, mâu kơ koan ki tơdjâk, tơkŭm pêi kêi đeăng mâu hnoăng cheăng châ pơcháu tung tơdroăng, pơkâ pêi hiăng pơkâ mơ’no dêi hơnăm 2025 ƀă tá plâ hneăng cheăng.