Tơdroăng hbrâ ăm roh rah xo kăn teăng mâ Kuô̆k hô̆i hneăng má XVI ƀă kăn teăng mâ Hô̆i đong kuăn pơlê mâu râ hneăng hơnăm 2026-2031 tơkŭm po tung pơla ki kơnâ, mê cho leh tơbâ 80 hơnăm Hâi mơjiâng tơnêi têa, prôk troh leh tơbâ 80 hơnăm roh Tâ phĭu rah xo Kuô̆k hô̆i Việt Nam, roh pơhlêh ‘na khu pêi cheăng tơnêi têa dế châ pêi pro ó rơdêi, vâ chê troh Hneăng hôp kăn teăng mâ lâp tơnêi têa roh má XIV dêi Đảng xuân môi tiah tơdroăng lâp plâi tơnêi ai hên tơdroăng ki ôh tá tơniăn, tơdroăng mơnhông pơhlêh xúa kŏng ngê̆.

Mơgêi roh hôp, pôa Nguyễn Đức Hải, Phŏ Kăn xiâm hnê ngăn Kuô̆k hô̆i tối nhnê, Tiêuh ƀan tối tơdroăng, pơtâng tối ai hnoăng cheăng kum Hô̆i đong rah xo tơnêi têa hnê mơhno, hnê tơdroăng pơtâng tối tơdroăng kal, pơtâng tối ƀă mơhnhôk tâ phĭu rah xo kăn. Kố cho hnoăng cheăng ki kơnâ kal khât, kum pơkâ tung tơdroăng châ tơƀrê dêi roh tâ phĭu. Xua mê, mâu ngế pêi cheăng tung Tiêuh ƀan ai hnoăng cheăng, tơrŭm krá tơniăn ƀă dêi pó vâ tơniăn roh tâ phĭu rah xo tơniăn păng ‘nâng, châ tơƀrê lĕm má môi.