VOV4.Xơ Đăng - Kơxo lơ 21/2 a Hngêi hôp Kuô̆k hô̆i, pôa Vương Đình Huệ, kăn xiâm hnê ngăn Kuô̆k hô̆i ƀă mâu kăn phŏ hnê ngăn Kuô̆k hô̆i pơkuâ po Rôh hôp mơgêi hnoăng cheăng Hô̆i đong hnê ngăn mâu kong pơlê, pơlê kong kân kơpong peăng kơnhŏng hơnăm 2021 ƀă tơbleăng túa pơkâ hnoăng cheăng hơnăm 2022.

Vâ ‘mâi rơnêu mâu tơdroăng cheăng tơbleăng dêi Hô̆i đong hnê ngăn rêm râ tung pơla hdrối nah ƀă mơdêk tơƀrê tơdroăng cheăng dêi Hô̆i đong hnê ngăn kuăn pơlê tung hơnăm 2022, Hô̆i đong hnê ngăn rêm pơtối hơ’lêh nếo ‘na túa pơkâ, túa ki pêi pro tơkŭm cheăng, mơdêk ki rơkê plĕng tung tơdroăn cheăng dêi Hô̆i đong hnê ngăn tung tơdroăng ki hơ’lêh tơdroăng pơkâ hneăng hôp kân 13 dêi Đảng, tơdroăng pơkâ Kuô̆k hô̆i, Chin phuh, tơdroăng pơkâ đảng ƀô̆ kong pơlê, pơlê kong kân ƀă luât dêi tơnêi têa, Hô̆i đong hnê ngăn tơbleăng tơƀrê tơdroăng ki mơdêk ki rơkê plĕng, tơƀrê ‘na tơdroăng cheăng dêi Hô̆i đong hnê ngăn kuăn pơlê rêm râ, hneăng hơnăm 2021 – 2026 vâ Hô̆i đong hnê ngăn cho kơ koan xiâm tơnêi têa a kong pơlê, teăng mâ ăm rơkong tơpui tối, tơdroăng loi tơngah ƀă hnoăng pơkuâ dêi kuăn pơlê.

Katarina Nga tơplôu ƀă tơbleăng