VOV4.Xơ Đăng - Hâi lơ 15/3, Vi ƀan hnê ngăn kong pơlê Dak Lak tơkŭm po Rôh hôp veăng tơpui tối ‘na hlá mơ-éa tối tơbleăng túa pơkâ kong pơlê Dak Lak hneăng 2021 -2030, troăng ngăn troh hơnăm 2050. Tiô hlá mơ-éa tối tơbleăng túa pơkâ, kong pơlê Dak Lak pêi châ tơdroăng ki mơnhông mơdêk cheăng kâ rêh ối pơlê pơla rĕng, krá ton, tai tâng tung tơdroăng ki tơkŭm mâu kơxô̆ liăn vâ mơnhông mâu kơvâ cheăng ki hiăng ai hlâu, ki pơxúa tung tơdroăng ki tơxup tơbriât.

Rôh hôp pơkâ tơdroăng kong pơlê Dak Lak hneăng 2021 -2030, hnoăng pêi troh hơnăm 2050

Mơjiâng Pơlê kong kơdrâm Ƀuôn Ma Thuột cho kơphô̆ dêi tíu xiâm kơpong Tây Nguyên ƀă môi tơnêi tơníu Ngiât – Hơ’lêh nếo – Rơkê, kơphô̆ rơkê – bo cheăng dêi kơpong Tây Nguyên mot tơrŭm cheăng tung kơpong ƀă a kong têa ê. Ki pơkâ nhên, kong pơlê Dak Lak mơ-eăm mơnhông cheăng kâ mơ-eăm châ tơdroăng ki mơdêk GRDP rêm hơnăm hneăng hơnăm 2021 -2030 ai 11% tung môi hơnăm;  Mơ-eăm pêi tơdroăng pơkâ cheăng kâ kơxô̆ rế hía rế tâk, hơnăm 2030 châ 20%. GRDP rêm ngế hơnăm 2025 châ 81,2 rơtuh liăn, hơnăm 2030 châ 131 rơtuh liăn.

Katarina Nga tơplôu ƀă tơbleăng