A rôh hôp mâu kăn hiăng têk kŏng tơbleăng tơdroăng rôh hôp, tơmâng tơbleăng tối mâu Pơkâ dêi Khu xiâm pơkuâ tơdroăng kal kí ‘na mơjiâng Đảng ƀô̆ Chin phuh; Tơbleăng mâu pơkâ dêi Khu pơkuâ ngăn Đảng ủy Chin phuh ‘na tơdah tơkŭm Đảng vêh cheăng tung Đảng ƀô̆ Chin phuh; tơdroăng ki mơjiâng mâu kơ koan tí tăng ‘nâi plĕng gum cheăng Đảng ủy Chin phuh; tơdroăng séa ngăn tơkŭm khu tơrŭm Đảng ƀă râ Đảng dêi mâu Đảng ƀô̆ ối tung Đảng ƀô̆ Chin phuh; Pơkâ axoăng tơdroăng cheăng ăm mâu Ngế cheăng tung khu pơkuâ, Ngế cheăng tung Khu pơkuâ, kăn pơkuâ hnê ngăn Đảng, phŏ kăn pơkuâ ngăn Đảng ủy Chin phuh pơla hơnăm 2020 – 2025 ƀă Tơdroăng pêi cheăng dêi Khu pơkuâ ngăn, Khu pơkuâ Đảng ủy Chin phuh hơnăm 2025.

Ngế pro xiâm hnê ngăn tơnêi têa ăm ‘nâi, Rôh hôp kố pơkâ tơdroăng ki kal ăm khu tơrŭm ƀă pêi cheăng dêi Đảng ƀô̆ Chin phuh tung hneăng ki nếo, ƀă tuăn mơno hâk tơngăm nếo, pôu râng tơdroăng cheăng nếo, Đảng ƀô̆ Chin phuh kô pêi pro ƀlêi chiâng mâu tơdroăng pơkâ, tơdroăng cheăng mơ’no.